Եվրոպայի խորհուրդը քննարկում է Թուրքիայի նկատմամբ պատժամիջոցների կիրառման հարցը

Եվրոպայի խորհրդի Մշտական ներկայացուցիչների կոմիտեն (COREPER) չորեքշաբթի քննարկելու է Թուրքիայի նկատմամբ պատժամիջոցների կիրառման հարցը` կապված երկրի` Կիպրոսի ջրային տարածքներում հորատման աշխատանքների հետ:

COREPER-ի նիստի ժամանակ քննարկվելու է նաև Եվրոպական ներդրումային բանկի` Թուրքիայում ունեցած ֆոնդերն ու վարկերը կասեցնելու հարցը. հաղորդում է artigercek.com կայքը:

Հունաստանը, ԱՄՆ-ն, Ռուսաստանը, Եգիպտոսը, ԵՄ-ն և անդամ այլ երկրներ քննադատել են Թուրքիային 2 նավ ուղարկելու և որոնողական աշխատանքներ տանելու կապակցությամբ, իսկ Կիպրոսն «այդ գործողությունները որակել է որպես երկրի ինքնիշխանության խախտում»:

Էրդողանն էլ, իր հերթին, ճգնաժամի վերաբերյալ հայտարարել է. «Այս թեմայով աջից-ձախից կարող են անհանգստացնող ձայներ գալ, բայց այդ ձայները մեզ չեն կարող մեր ճանապարհից շեղել»: