Զուրաբիշվիլին դիմել է ՌԴ իշխանություններին

 Վրաստանի նախագահ Սալոմե Զուրաբիշվիլին դիմել է ՌԴ իշխանություններին` կոչ անելով չարձագանքել վրաց քաղաքական գործիչների գործողություններին, որոնք, ինչպես ասում են ՌԴ-ում, իրենցից ծայրահեղական ուժ են ներկայացնում. հայտնում է Спутник-Грузия-ն:

«Կոչ եմ անում ՌԴ իշխանություններին` չտրվել էսկալացիայի: Պարադոքս կլինի, եթե հարևան երկիրը պատասխանի ծայրահեղական ուժի սադրանքին, որին հենց ինքն է բնութագրել այդպես, դրանով երկիրը նպաստի նրանց ապակառուցողական նպատակներին»,- ասել է Զուրաբիշվիլին ճեպազրույցի ժամանակ:

Հիշեցնենք, որ ՌԴ Պետդումայի պատգամավորի հետ կապված սկանդալին հաջորդել է նորը. վրացի լրագրողն իր հեղինակային հաղորդման ժամանակ հայհոյել է Վլադիմիր Պուտինին: