ՄԱԿ գլխավոր քարտուղարն Իդլիբում կրակն անհապաղ դադարեցնելու կոչ է արել

ՄԱԿ գլխավոր քարտուղար Անտոնիո Գուտերեշը Սիրիայի Իդլիբում կրակն անհապաղ դադարեցնելու կոչ է արել. գրում է ՏԱՍՍ-ը՝ ՄԱԿ գլխավոր քարտուղարի պաշտոնական ներկայացուցիչ Սթեֆան Դյուժարիկի հայտարարությունը. հայտնում է Yerkir.am-ը:

Նա,մասնավորապես, նշել է. 

«Գլխավոր քարտուղարը մեծ մտահոգությամբ է հետևում Սիրիայի հյուսիս-արեւմուտքում էսկալացիային ու այն տեղեկություններին, որ օդային հարվածի հետևանքով զոհվել են տասնյակ թուրք զինվորականներ,- նշել է նա  ու հավելել. «Գլխավոր քարտուղարը կրկին կոչ է անում կրակն անհապաղ դադարեցնել և մտահոգություն է հայտնում ռազմական գործողությունների հետեւանքով խաղաղ բնակիչների զոհվելու հավանականությամբ»:

Հիշեցնենք՝ ավելի վաղ Սիրիայի Իդլիբ նահանգում թուրք զինվորականներն ու ընդդիմադիր գրոհայինները կրակ են բացել սիրիական և ռուսական օդուժի ուղղությամբ՝ փորձելով խոցել ռազմական ինքնաթիռները: