|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Գերմանացի և քուրդ հնագետները Իրաքյան Քուրդիստանում կարևոր հայտնագործություն են արել: Մոսուլի ջրամբարի նվազման հետևանքով անտիկ քաղաքակրթություններից մեկի` Միտանիի կայսրության 3400-ամյա ամրոց է հայտնաբերվել. հաղորդում է «Սպուտնիկ»-ի թուրքական ծառայությունը:
Իրաքի հյուսիսում գտնվող Դուհոկ քաղաքի անտիկ գտածոների վարչության տնօրեն Հասան Ահմեդ Քասըմը նշել է, որ դա «վերջին 10 տարիներին շրջանի ամենակարևոր հնագիտական հայտնագործություններից մեկն է և քուրդ-գերմանական համագործակցության հաջողությունը»:
Նշվում է, որ 3400-ամյա ամրոցը Միտանիի հնագույն պետականությունից մնացած եզակի նմուշներից է, և նույնիսկ հստակ չէ, թե որտեղ է եղել Միտանիի մայրաքաղաքը:
Ամրոցի ներսում առկա են կարմիր և կապույտ գույնի գրվածքի մնացորդներ: Ք.Ա. 2000-ականների որմնանկարները, հավանաբար, եղել են Մերձավոր Արևելքի պալատների առանձնահատկություններից:


