Մոսկվայի և Լոնդոնի միջև հարաբերությունների կարգավորումը դեռ անհնար է. Մեյ

Մեծ Բրիտանիայի ` պաշտոնը լքող վարչապետ Թերեզա Մեյը ՌԴ նախագահ Վլադիմիր Պուտինի հետ Օսակայում «Մեծ քսանյակ»-ի գագաթնաժողովի շրջանակում հանդիպման ժամանակ ասել է, որ Մոսկվայի և Լոնդոնի միջև հարաբերությունների կարգավորումը անհնար է, քանի դեռ Ռուսաստանը չի դադարեցրել իր անպատասխանատու և ապակայունացնող գործողությունները: Այդ մասին հայտնել է Մեյի ներկայացուցիչը. տեղեկացնում է ТАСС-ը:

Նրա խոսքով` Մեյը և Պուտինը քննարկել են հարցեր, որոնք միջազգային անհանգստություն են  առաջացնում:

«Նա (Մեյը) հասկացրել է, որ Միացյալ Թագավորությունն անհերքելի ապացույցներ ունի, որ Ռուսաստանն է կանգնած Սոլսբերիում հարձակման հետևում»,- ասել է Մեյի ներկայացուցիչը: