ՌԴ ԱԳՆ-ն գնահատել է Մոսկվայի դերը Բաքվի և Երևանի միջև հարաբերությունների կարգավորման գործում

Ռուսաստանт ակտիվորեն նպաստել է Բաքվի և Երևանի միջև հարաբերությունների կարգավորմանը, ներառյալ՝ այնպիսի խնդիրների լուծումը, ինչպիսին է հայ-ադրբեջանական սահմանի սահմանազատման երկկողմ հանձնաժողովի ստեղծումը՝ դրա հետագա սահմանագծմամբ, ինչպես նաև տնտեսական և տրանսպորտային կապերի ապաշրջափակումը Հարավային Կովկասում․ ասվում է Ռուսաստանի Դաշնության արտաքին գործերի նախարարության հրապարակած՝ 2021 թվականի արտաքին քաղաքականության հիմնական արդյունքներում։

Նշվում է, որ դեկտեմբերի 10-ին Մոսկվայում տեղի է ունեցել Խորհրդատվական տարածաշրջանային պլատֆորմի բացման հանդիպումը՝ «3 + 3» ձևաչափով (անդրկովկասյան երեք պետություններ՝ Ադրբեջան, Հայաստան, Վրաստան, ինչպես նաև երեք հարևան երկրներ՝ Ռուսաստան, Թուրքիա, Իրան)` առայժմ առանց Վրաստանի մասնակցության: