Թրամփն Իրանին ուղղված իր ուղերձում ասել է, որ պատերազմ չի ցանկանում. Reuters

ԱՄՆ նախագահ Դոնալդ Թրամփն Իրանին ուղղված իր ուղերձում ասել է, որ ցանկանում է բանակցություններ, ոչ թե պատերազմ: Այդ մասին, ըստ РИА Новости-ի, հայտնում է «Ռոյթերս»-ը` իր աղբյուրներին հղումով:

Գործակալության տվյալներով` Իրանն այս գշեր Օմանի միջոցով Թրամփից նախազգուշացվող գրոհի մասին ուղերձ է ստացել: Թեհրանին սահմանափակ ժամանակ է տրվել պատասխանի համար:

«Իր ուղերձում Թրամփը հայտարարել է, որ դեմ է Իրանի հետ պատերազմին և ցանկանում է բանակցել տարբեր հարցերի շուրջ…նա ժամանակ է տվել` մեր պատասխանը ստանալու համար: Իրանի անհապաղ պատասխանն այն էր, որ այդ հարցով որոշում կկայանցի հոգևոր առաջնորդ Ալի Խամենեին»,-ասել է անանուն մնալ ցանկացող աղբյուրը: