ԱՄՆ-ն որոշել է չուսուցանել թուրք ռազմական օդաչուներին

Բրիտանական Reuters լրատվական գործակալությունը, ամերիկացի պաշտոնյաների հղումով, հայտնում է, որ Անկարայի` ռուսական Ս-400 ՀՕՊ համակարգերից չհրաժարվելու պատճառով ԱՄՆ-ը դադարեցրել է թուրք օդաչուների ուսումնական ծրագիրը:

Ըստ Վաշինգտոնի` Ս-400-ներն ու Ֆ-35 կործանիչները միմյանց մրցակից ռազմական համակարգերում են, և մի երկրի կողմից երկու զինատեսակների ձեռք բերումը վտանգում է Ֆ-35-ներին:

BBC-ի թուրքական ծառայությունը հայտնում է, որ ԱՄՆ-ի Արիզոնա նահանգում գտնվող «Լյուկ» ռազմաօդային բազայում շարունակվում է Թուրքիայի ԶՈւ անձնակազմի ուսումնական ծրագիրը: Reuters-ի հետ զրուցող երկու ամերիկացի պաշտոնյաները նշել են, որ այդ որոշումը չի անդրադառնա ներկա պահին այդ ծրագրում ընդգրկված օդաչուների վրա: Ներկայումս ռազմաբազայում 4 օդաչու, 2 ուսուցիչ և 20 ծառայողական անձնակազմ է ուսուցում ստանում: