Թուրքիան Medal Of Honor խաղի դրվագները ներկայացնում է որպես սեփական ռազմական գործողություն

Թուրքիայի ԶՈւ-ն մայիսի 27-ին հյուսիսային Իրաքի Հաքուրք շրջանում «Ճանկ» ռազմական գործողությունն էր սկսել` «տարածաշրջանը ահաբեկիչներից մաքրելու նպատակով»:  

Թուրքիայի ԶՈւ-ն տեսանյութեր էր հրապարակել այդ գործողությունների վերաբերյալ, որոնցից առաջինում երևում էր, թե ինչպես են ուղղաթիռից թուրք զինվորներ իջնում:

ANF քրդական լրատվական գործակալության համաձայն`  այդ տեսանյութերը չեն համապատասխանում իրականությանը: Ավելին` դրանք վերցված են այնպիսի հայտնի համակարգչային խաղերից, ինչպիսիք են «Medal Of Honor»-ը և «Arma 3»-ը:

Ռազմական գործողություններում պարտությունները կոծկելու համար թուրքերը դարձյալ դիմել են համակարգչային խաղերի օգնությանը: Գործակալությունը նշում է, որ նմանատիպ դեպք եղել է նաև Աֆրինում գործողությունների ժամանակ: Նշվում է, որ ուշադրություն էր գրավել այն հանգամանքը, որ տեսանյութում ուղղաթիռն անբնական ձևով է վայրէջք կատարում, ինչը կասկածներ էր առաջացրել:

Տեսանյութն` այստեղ: