Իրանը պատրաստվում է առաջինը պատերազմ սկսել Միացյալ Նահանգների դեմ. Դոնալդ Թրամփի վարչակազմի ներկայացուցիչներ

ԱՄՆ նախագահ Դոնալդ Թրամփի վարչակազմի մի քանի ներկայացուցիչներ վստահ են, որ Իրանը պատրաստվում է առաջինը պատերազմ սկսել Միացյալ Նահանգների դեմ: Այս մասին տեղեկացնում է The Wall Street Journal-ը:

Նշվում է, որ Թրամփի վարչակազմում անհամաձայնություններ կան այն բանի կապակցությամբ, թե ինչպես մեկնաբանել Թեհրանի իշխանությունների հայտարարությունները, որ Իրանը մեծամասշտաբ պատերազմի եզրին է: Ելնելով ամերիկյան հետախուզության տվյալներից` ոմանք այն կարծիքին են, որ Իրանի իշխանությունները համոզված են, որ ԱՄՆ-ը մեծ պատերազմ կսանձազերծի ու, համապատասխանաբար, պատրաստվում են պատասխան միջոցառումների ձեռնարկման: Սակայն թերթի կարծիքով`ԱՄՆ նախագահի վարչակազմի ներկայացուցիչների թվում կան անձինք, որոնք այն տեսակետին են, որ «Իրանը նախատեսել կամ այս պահին նախատեսում է առաջինը հարված հասցնել ԱՄՆ-ին»: