ԱՄՆ-ը հայտարարություն է տարածել Թուրքիայում ընտրությունների չեղարկման վերաբերյալ

ԱՄՆ պետքարտուղարությունը Թուրքիայի Բարձրագույն ընտրական հանձնաժողովի կողմից մարտի 31-ի` Ստամբուլի ՏԻՄ ընտրությունների արդյունքների չեղարկման և հունիսի 23-ին նոր ընտրությունների անցկացման վերաբերյալ հայտարարություն է տարածել. հայտնում է haberturk.com կայքը:

 Հայտարարության մեջ մասնավորապես նշված է. «Անկախ և արդար ընտրությունների օրինական արդյունքների ընդունումը ցանկացած ժողովրդավարության հիմքն է: Բարձրագույն ընտրական հանձնաժողովը մարտի 31-ին Ստամբուլում անցկացված ընտրությունների արդյունքները հավանության արժանացնելուց հետո դարձյալ ընտրությունների վերաբերյալ որոշում է կայացրել: Մենք էլ, Թուրքիայի այլ բարեկամների նման, այս անսովոր որոշումը ուշադրության արժանացրեցինք: Թուրքիան ունի երկար և հպարտ ժողովրդավարական անցյալ: Կոչ ենք անում թուրք պաշտոնյաներին` ղեկավարվել ընտրական գործընթացի օրենքներին, ԵԱՀԿ պարտավորություններին, ՆԱՏՕ-ի դաշնակցի կարգավիճակին և ԵՄ-ին անդամակցելու ցանկությանը համապատասխան»: