Միջազգային իրավունքը Ղուրանում գրված չէ. Կիպրոսի նախագահ

Կիպրոսի նախագահ Նիկոս Անաստասիադիսը պատասխանել է Կիպրոսի ջրային տարածքներում հորատման աշխատանքներ իրականացնելու կապակցությամբ Թուրքիայի նախագահ Ռեջեփ Թայիփ Էրդողանի հայտարարություններին. հաղորդում է  gazeteduvar.com.tr կայքը::

Էրդողանը ԱԶԿ խմբակցության նիստում հայտարարել էր. «Թող Ալլահը Կիպրոսում, Միջերկրական ծովի արևելքում և Էգեյան ծովում մեր իրավունքները յուրացնելու քայլերը չհասկացողներին խելք տա»:

«Եկել է ժամանակը, որ ՄԱԿ-ը, ԵՄ-ն և մեծ պետությունները կատարեն իրենց վրա ընկած պարտավորությունները: Թուրքիան ևս մեկ անգամ խախտել է միջազգային իրավունքն ու Կիպրոսի օրինական իրավունքները: Միջազգային իրավունքը չի կարող հիմնված լինել Ղուրանում գրվածների վրա»,- նշել է Անաստասիադիսը: