Իրանում հայերին ավելի լավ են վերաբերվում. ադրբեջանական կայք

«Իրանի հայերը պատրաստվում են նշել «ցեղասպանության» հերթական տարելիցը: Սուրբ Սարգիս եկեղեցում այդ օրերին համընդհանուր ողբ է»,- գրում է Haqqin.az-ը` նշելով, որ եկեղեցու վանահայրը, իմանալով, որ ադրբեջանցի լրագրողն այնտեղ է, ասել է, որ նրա ներկայությունն այդ եկեղեցում ցանկալի չէ:

Ադրբեջանական կայքը բողոքում է, որ հայերին Իրանում ավելի լավ են վերաբերվում, քան ադրբեջանցիներին:

Կայքը մասնավորապես գրում է. «Իրանում գոյություն ունի ավելի քան 40 հայկական եկեղեցի, որոնք կառուցվել են տարբեր ժամանակներում: Միայն Թեհրանում կա 8 եկեղեցի, բոլորը հիանալի վիճակում են, ինչի մասին հոգում են Իրանի իշխանությունները: Իսկ ադրբեջանցիների մասին, որոնք Իրանում էթնիկ մեծամասնություն են կազմում, այսպես հոգ չեն տանում: Օրինակ` նրանք զրկված են հարազատ լեզվով կրթություն ստանալու իրավունքից, մինչդեռ` փոքր թիվ կազմող հայերը դպրոցներում սովորում են հայերեն լեզվով»:

 Լուսանկարում Իրանի հայկական դպրոցներից մեկն է: