Կանադայում կինը կարողացել է կուգուարի երախից դուրս քաշել իր 7-ամյա տղային

Կանադայում կինը կարողացել է երեխայի վրա հարձակված կուգուարի` կատվառյուծի երախից դուրս քաշել 7-ամյա որդուն։ Տղան խաղալիս է եղեկ բակում, երբ կենդանին հարձակվել է նրա վրա: Այս մասին  հաղորդում է ABCNews-ը։

Չելսի Լոքհարթը` տղայի մայրը, պատմում է, որ լսել է երեխայի ճիչը, մտածել, որ ինչ-որ մեկի հետ վիճում է, բայց, բակ վազելով, տեսել է, որ նրա վրա կուգուար է հարձակվել։ Գիշատիչը ճանկել էր երեխայի ձեռքը։ Չելսին «թռել» է կուգուարի վրա և փորձել բացել նրա երախը` երեխայի ձեռքն ազատելու համար։

«Չգիտեմ` ինձ որտեղից այդքան ուժ, երևի մայրական բնազդ էր: Ինձ հաջողվեց ազատել տղայիս ձեռքը, որից հետո գիշատիչը փախավ»,-լրատվամիջոցի հետ զրույցում ասել է տղայի մայրը:

Նշվում է, որ Չելսիի որդին գլխին` վերք, պարանոցին ու ձեռքին ճանկռվածքներ է ստացել ։

Որոշ ժամանակ անց բրիտանական Կոլումբիայի բնության պահպանության ծառայության ներկայացուցիչները հայտարարել են, որ 2 կուգուար են գտել Չելսիի տնից ոչ հեռու։