Մոզամբիկի Բեյրա թաղամասում մարդիկ խուճապի են մատնված ցիկլոնի հետևանքով վրա հասած` սննդի և ջրի պակասից

Մոզամբիկի ծովափնյա Բեյրա շրջանում իրավիճակը թեժ է. քաղաքացիները տառապում են ջրի, սննդի և անհրաժեշտ պարագաների պակասից, այն բանից հետո, երբ կործանիչ արևադարձային ցիկլոնը մոլեգնել էր շրջանում. տեղեկացնում է Reuters լրատվական գործակալությունը:

«Իդայի» ցիկլոնը քարուքանդ է արել Բեյրան` ցածրադիր և 500.000 բնակչություն ունեցող քաղաքը, հուժկու քամիներով և հորդառատ անձրևներով` մինչ հարևան Զիմբաբվե ու Մալավի հասնելը:

Մոզամբիկում, 242 մարդ է զոհվել քամիների պատճառով: Մահացածների թիվը, սակայն, կավելանա: Մալավիում մոտ 56 մարդ է մահացել, մինչդեռ հարևան Զիմբաբվեում այս պահին կա փոթորիկի հետևանքով գրանցված մահվան 142 դեպք:

Yerkir.am-ն ավելի վաղ տեղեկացրել էր, որ  Մոզամբիկում մարտի 15-ին հզոր արևադարձային ցիկլոն էր մոլեգնել: