Ադրբեջանն իրավունք ունի առանց բանակցությունների հետ վերադարձնելու իր տարածքները. ադրբեջանցի պաշտոնյա

Հայաստանը, ՄԱԿ-ի ԱԽ որոշման համաձայն, պետք է ազատի օկուպացված տարածքները. հայտարարել է Ադրբեջանի նախագահի գրասենյակի արտաքին կապերի բաժնի ղեկավար Հիքմեթ Հաջիևը:

 «Ադրբեջանը պատրաստ է Հայաստանի նոր ղեկավարության հետ բանակցություններ վարել: Մենք 25 տարի սպասում ենք այս խնդրի արդարացի լուծմանը, և դա իր սահմանն ունի: Եթե Հայաստանը չազատի իր օկուպացրած տարածքները, ապա մենք ստիպված կլինենք օգտվել ՄԱԿ-ի կանոնադրությանը համապատասխան` մեր իրավունքից», - Հաջիևի խոսքերն է մեջբերում Interfax-ի ադրբեջանական գործակալությունը:

Ժողովուրդներին խաղաղության նախապատրաստելու կոչին ի պատասխան, նա հայտարարել է. «Ադրբեջանի ժողովուրդը պատրաստ է խաղաղության, սակայն դրա համար նախ և առաջ պետք է արդարությունը վերականգնել»: