Օտարերկրյա պետության ղեկավարը իրավունք չունի այդ կերպ տնօրինելու ուրիշի տարածքները. Լիբանանի նախագահ

ԱՄՆ նախագահ Դոնալդ Թրամփի` Գոլանի բարձունքները Իսրայելի մաս ճանաչելու մասին որոշումը հակասում է միջազգային իրավունքին: Այդ մասին հայտարարել է Լիբանանի նախագահ Միշել Աունը ՌԴ Պետդումայի նախագահ Վյաչեսլավ Վոլոդինի հետ հանդիպման ժամանակ. հայտնում է РИА Новости-ն:

«Բնականաբար, դա շոշափում է Լիբանանի Հանրապետության շահերը: Մենք կարծում ենք, որ  օտարերկրյա պետության ղեկավարը իրավունք չունի այդ կերպ  տնօրինելու ուրիշի տարածքները: Բացի այդ` դա հղի է սոցիալական լարվածության սրմամբ, էլ չենք խոսում այն մասին, որ նման քայլերը հակասում են միջազգային իրավունքին  և ՄԱԿ-ի ԱԽ որոշումներին»,- ասել է Աունը: