Գազավորված ըմպելիքներ արտադրողները և գրավատների աշխատակիցները բողոքի ակցիա են իրականացնում

Գազավորված ըմպելիքներ արտադրողների, գրավատների ու արտարժույթի փոխանակման կետերի աշխատակիցները բողոքի ակցիա են իրականացնում կառավարության շենքի առջև:

Ըստ «Պետական տուրքի մասին» ՀՀ օրենքում փոփոխություններ և լրացումներ կատարելու մասին» օրենքի նախագծի` կառավարությունը պատրաստվում է 60 անգամ ավելացնել գրավատների ու փոխանակման կետերի համար տարեկան պետական տուրքը։

Գազավորված ըմպելիքներ արտադրողներն էլ են դժգոհ  Հարկային օրենսգրքում նախատեսվող փոփոխություններից:

Ակցիայի մասնակիցները պարզել են պաստառներ՝ «Ո'չ գազավորված ըմպելիքների թանկացմանը», «Դեմ եմ լիմոնադի թանկացմանը», «Ես դառնում եմ գործազուրկ», «Կառավարությունը սպանում է միջին բիզնեսը» և այլ գրառումներով: