Խառանում 9-րդ դարի դեղի տարա է գտնվել

Աշխարհի ամենահին բնակավայրերից մեկում` Թուրքիայի Շանլըուրֆա քաղաքի մոտակայքում գտնվող Հառանի (պատմական Հայաստանի Խառան բնակավայրը) ավերակներում կատարվող պեղումների ժամանակ 9-րդ դարի դեղերի տուփ է հայտնաբերվել:

ՅՈՒՆԵՍԿՕ-ի Համաշխարհային ժառանգության ժամանակավոր ցուցակում ընդգրկված հնավայրում հայտնաբերված տարայի վրա առկա է այսօրվա բժշկության խորհրդանիշ համարվող միմյանց փաթաթված 2 օձերի պատկերը:

Ensonhaber.com կայքի համաձայն` 9-րդ դարի տարան ցուցադրվելու է Թուրքիայի ամենամեծ թանգարանի կոչումն ունեցող` Շանլըուրֆայի (պատմական Եդեսիա) թանգարանային համալիրում, որտեղ գտնվում են Պորտասարից (Göbeklitepe) պեղված այլ պատմական նմուշներ:

Հնագետ Մեհմեդ Օնալը, որը զբաղվում է պեղումներով, նշեց, որ պեղումները որոշակի ընդմիջումներով շարունակվելու են դեռևս 70  տարի: