Երթուղայինում ազոտային թթվի տարա է կոտրվել. կան տուժածներ

Երեկ  թիվ 95 երթուղու «ԳԱԶել» մակնիշի 2552 Տ պ/հ երթուղային տաքսու սրահում (վարորդ Ս.Հովհաննիսյան) կոտրվել է քիմիական միացությամբ 1.5լ ապակյա տարա (նախ­նա­կան տվյալներով` ազոտական թթու), ինչի հետևանքով ուղևորներ Համլետ Վարդանյանը (ծնվ. 1956թ.), Իրի­նա Նազարյանը (ծնվ. 1956թ.), Գոհար Ասլանյանը (ծնվ. 1957թ.), Գևորգ Էլարյանը (ծնվ. 1977թ.) և Արմեն Օհանյանը (ծնվ. 1985թ.) «1-03» ծառայության աշխատակիցների կողմից հոսպիտալացվել են Ճառագայթային բժշկության և այրվածքների գիտական կենտրոն, որտեղ Գ.Էլարյանը և Ա.Օհանյանը ստացել են առաջին բուժօգնություն և դուրս գրվել: Ինչպես տեղեկացնում են ՀՀ ԱԻՆ փրկարար ծառայությունից, բժիշկների կողմից Հ.Վարդանյանի, Ի.Նազարյանի և Գ.Ասլանյանի առողջական վիճակը գնահատվել է միջին ծանրության: