Ստամբուլը վերածվել է բետոնե անտառի. թուրք պատգամավոր

Թուրքիայի գլխավոր ընդդիմադիր Հանրապետական-ժողովրդական կուսակցության փոխնախագահ Գյուլիզար Բիչեր Կարաջայի կողմից պատրաստված «Բետոնե անտառ» զեկույցում առաջ է քաշվում այն խնդիրը, որ «Արդարություն և զարգացում» կուսակցության իշխանության գալուց ի վեր` 2002 թ., կառուցապատման թույլտվությունների թիվն 8 անգամ մեծացել է, 16 տարում մոտ 2 միլիարդ 350 միլիոն մետր քառակուսի տարածք բետոնի է վերածվել, առևտրի կենտրոնները 2002թ. 1.25 միլիոն քառակուսի տարածք էին ընդգրկում, այն դեպքում, երբ 2017թ. արդեն` 11.2 միլիոն: Այս մասին տեղեկացնում է haberler.com կայքը:

2017 թվականն անվանելով «բետոնի իշխանության անկման տարի»` նա ուշադրություն է հրավիրում փաստին, որ այդ տարի, 2016 թվականի համեմատ, 55.1 տոկոսով նվազել է կառուցապատման թույլտվությունը:

Զեկույցում նշվում է, որ 2003-2017 թթ.`  15 տարվա ընթացքում կառուցապատման վրա ծախսվել է 5 տրիլիոն թուրքական լիրա: