«Իսլամական պետությունը» սպառնում է գրավել Ստամբուլը

«Իսլամական պետությունը» սպառնում է գրավել Ստամբուլը  

«Իսլամական պետության» գրոհայինները  տեսագրություն են տարածել, որում ուղիղ սպառնալիքներ են հնչեցնում` ուղղված Թուրքիային: Տեսանյութում ԻՊ-ը Թուրքիայի քաղաքացիներին կոչ է անում  ըմբոստանալ Թուրքիայի  նախագահ Ռեջեթ Թայիփ Էրդողանի դեմ : Իսլամիստներն էրդողանին անվանում են սատանա եւ մեղադրում «Թուրքիան քրդերին ու ԱՄՆ-ին վաճառելու համար»:  Նրանք քննադատում  են նաեւ Քեմալ Աթաթուրքին` «թուրք ժողովրդին աշխարհականություն պարտադրելու համար»:

Թուրքական լրատվամիջոցների տեղեկացմամբ,  տեսանյութում գրոհայիններից մեկը կոչ է անում գրավել Ստամբուլը:

Հիշեցնենք, որ ավելի վաղ Անկարան եւ Վաշինգտոնը պայմանավորվել են  թուրք-սիրիական սահմանին իսլամիստներից ազատ չեզոք գոտի ստեղծելու մասին, բացի այդ ԱՄՆ-ը օգտագործում է թուրքական  «Ինջիրլիկ» բազան` իսլամիստներին հարվածելու համար: