Եվրոպան չպետք է կուրորեն հետևի ԱՄՆ-ի ուղեգծին. ՌԴ ԱԳՆ

Եթե Եվրոպան հետաքրքրված է սպառազինության միջազգային արդյունավետ վերահսկողությամբ, ապա չպետք է կուրորեն հետևի ԱՄՆ-ի քաղաքականության ուղեգծին: Այդ մասին ասել է ՌԴ ԱԳՆ-ն` մեկնաբանելով Միջին և փոքր հեռահարության հրթիռների ոչնչացման մասին համաձայնագրի շուրջ ստեղծված իրավիճակը. հայտնում է РИА Новости-ն:

Ըստ ՌԴ ԱԳՆ-ի` ԱՄՆ-ի եվրոպական դաշնակիցները  պետք է առաջնորդվեն անվտանգության շահերով և թույլ չտան, որ Եվրոպան դարձյալ վերածվի առճակատման հարթակի, ինչը անխուսափելի կդառնա, եթե ԱՄՆ-ն այնտեղ հրթիռներ տեղակայի:

Հիշեցնենք, որ ՌԴ նախագահ Վլադիմիր Պուտինը որոշեց հայելային պատասխանել ԱՄՆ-ի քայլերին և շաբաթ օրը հայտարարեց, որ ՌԴ-ն նույնպես դուրս է գալիս վերոհիշյալ համաձայնագրից: