Շշի Մելոյին պատկանող ռեստորանից 7 անձ է տեղափոխվել հիվանդանոց, 1-ը` մահացած. մանրամասներ

Տեղեկացրել էինք, որ այսօր կրակոցներ են հնչել Կոտայքի մարզում. 1 անձ մահացել է, մի քանիսը` վիրավորվել: Ոստիկանությունից Yerkir.am-ին հայտնեցին, որ «Աբովյան» բժշկական կենտրոնից ոստիկանության Կոտայքի բաժին ահազանգ է ստացվել գիշերը ժամը 1:30-ի սահմաններում: Ըստ ահազանգի` հրազենային վնասվածքներով իրենց մոտ է տեղափոխվել 7 տղամարդ, որոնցից մեկը՝ 1989-ին ծնված Արտաշես Գևորգյանը` մահացած:

Պարզվել է, որ Աբովյանի ռեստորաններից մեկում վիճաբանություն է եղել, հնչել են կրակոցներ:

Հարուցվել է քրեական գործ:

Նշենք, որ «Պարտեզ» ռեստորանային համալիրը, որտեղ տեղի է ունեցել վիճաբանությունը, պատկանում է ԱԺ նախկին պատգամավոր Մելիքսեթ Մանուկյանին, որը հայտնի է Շշի Մելո մականունով: