Էդմոն Մարուքյանը նշանակվել է ԵԽԽՎ երկու հանձնաժողովների հիմնական անդամ

ԱԺ «Լուսավոր Հայաստան» խմբակցության ղեկավար Էմդոն Մարուքյանը նշանակվել է ԵԽԽՎ երկու հանձնաժողովների անդամ՝ Մարդու իրավունքների եվրոպական դատարանի դատավորների ընտրության և Մոնիթորինգի հանձնաժողովների անդամ։ Այս մասին տեղեկանում ենք պատգամավորի ֆեյսբուքյան էջից:

Այսօր ԵԽԽՎ բյուրոն հաստատել է նրա թեկնածությունը որպես Մարդու իրավունքների եվրոպական դատարանի դատավորների ընտրության հանձնաժողովի հիմնական անդամ: Թեկնածությունը ներկայացվել է ԵԽԽՎ-ում Եվրոպայի Լիբերալների և Ժողովրդավարների Ալյանսի (ALDE) քաղաքական խմբի կողմից: Հանձնաժողովում Եվրոպայի Լիբերալների և Ժողովրդավարների Ալյանսի (ALDE) կազմից ներկայացված են ընդամենը երեք հիմնական անդամներ, իսկ ամբողջ հանձնաժողովը կազմված է քսան հիմնական անդամից, որոնք ներկայացնում են ԵԽԽՎ բոլոր քաղաքական խմբերը:

ԵԽԽՎ բյուրոն հաստատել է նրա թեկնածությունը նաև որպես Մոնիթորինգի հանձնաժողովի հիմնական անդամ: Այստեղ նրա թեկնածությունը կրկին ներկայացվել էր ԵԽԽՎ-ում Եվրոպայի Լիբերալների և Ժողովրդավարների Ալյանսի (ALDE) քաղաքական խմբի կողմից: