Ի հեճուկս թուրքերի և ադրբեջանցիների` ամերիկյան հեռուստաալիքը ցուցադրել է հայ պարողների ելույթը. տեսանյութ

Ի հեճուկս թուրքական և ադրբեջանական կառավարությունների` հոլիվուդյան սուրբծննդյան շքերթի ժամանակ հայ պարողների ելույթի ցուցադրությունը կանխելու ջանքերին`ամերիկյան CW Network հեռուստաալիքը ցուցադրել է հայ երեխաների ելույթը:

ԱՄՆ Հայ Դատի հանձնախումբը տեղեկացնում է, որ նոյեմբերի 25-ին տեղի ունեցած տոնական միջոցառումից հետո Լոս Անջելեսում Թուրքիայի գլխավոր հյուպատոս Ջան Օգուզը և նրա ադրբեջանցի գործընկեր Նասիմ Աղաևը պահանջել են հեռուստաալիքից` կտրել միջոցառման հայկական հատվածը, որում, բացի հայկական պարերից, երևում են նաև ՀՀ և Արցախի դրոշները:

Չնայած ադրբեջանցի և թուրք դիվանագետների պահանջներին` հայկական պարը, առանց որևէ կրճատման, ցուցադրվել է:  Նրանք հաղորդման հեռարձակումը որակել են «ահաբեկչության սատարում»: