Արտակարգ դեպք Արցախում. զինվորին աչքի հատվածում հրազենային վնասվածքով տեղափոխել են հոսպիտալ

Երեկ՝ կեսօրին, Ստեփանակերտի զինվորական հոսպիտալ է տեղափոխվել մի զինվոր։ Shamshyan.com-ի տեղեկություններով` նա աչքի մասում հրազենային վնասվածք ունի:

Տեղի բժիշկներն առաջին անհրաժեշտ բուժօգնությունն են ցուցաբերել ու հիմա պատրաստվում են վիրավոր զինվորին տեղափոխել Երևանի կենտրոնական հոսպիտալ։

Shamshyan.com-ի հետ զրույցում զինվորի մայրն ասել է. «Տղաս Էրեբունու զինկոմիսարիատի կողմից է զորակոչվել բանակ, և երեկ զանգահարեցին մեզ ու ասացին, որ` գնացեք զինկոմիսարիատ, երեխայի դակումենտները ստացեք և գնացեք Մուրացանի հոսպիտալ. ձեր տղային Արցախից տեղափոխում են այնտեղ։ Թե ինչն է եղել պատճառը և ինչ պայմաններում է մեր տղան, ում ազգանունը Վահրանյան է, հրազենային վնասվածք ստացել, մենք դեռևս չգիտենք։ Այս պահին մեզ միայն հետաքրքրում է երեխայի ճակատագիրը»։