Պետությունը պետք է ստանձնի էական պարտավորություն տնտեսության զարգացման և սոցիալական խնդիրների լուծման գործում. Թադևոս Ավետիսյան

«Սպուտնիկ-Արմենիա»-ին տված հարցազրույցում տնտեսագետ Թադևոս Ավետիսյանն անդրադարձել է համահարթեցված եկամտահարկին, ասելով, որ այն չի լուծելու սոցիալական արդարության խնդիրը։

Ըստ տնտեսագետի, եթե արդար բաշխման կամ սոցիալական արդարության մասին է խոսվում ու խնդիր է դրվում, որ առաջանցիկ եկամուտները պիտի աճեն, կյանքի որակը պիտի բարելավվի, ուրեմն այդ պարագայում համահարթեցված եկամտահարկը չի լուծելու այդ խնդիրը:

 Թադևոս Ավետիսյանը նշում է, որ դեռևս 2018թ-ին ՀՅԴ կողմից օրակարգ բերվեց երկրի սոցիալ-տնտեսական քաղաքականության դրույթները, որոնք հիմնված են սոցիալ-դեմոկրատական համակարգի վրա:

 «30 տոկոս աղքատության մակարդակ ունեցող երկրում պետությունը պետք է ստանձնի էական պարտավորություն տնտեսության զարգացման և սոցիալ-տնտեսական խնդիրների լուծման համար: Պետության նեոլիբերալ մոտեցումը, ինչպես աշխարհի շատ երկրներում, այնպես էլ Հայաստանում որևէ արդյունք չտվեց։ Այսօր նշմարվում է գրեթե նույն մոտեցման շարունակությունը»,- ասաց նա: