Շնորհակալ եմ Սփյուռքին` հայ մարդու ազնիվ ու աշխատասեր կերպարն աշխարհում ստեղծելու համար. ՀՀ նախագահ

Ուզում եմ շնորհակալություն հայտնել Սփյուռքին` հայ մարդու կերպարն աշխարհում ստեղծելու, այն ճիշտ ներկայացնելու համար. նախագահականում գործարարների հետ հանդիպման ժամանակ ասաց ՀՀ նախագահ Արմեն Սարգսյանը:

Նրա խոսքով` տասնյակ տարիների ընթացքում աշխարհում ստեղծվել է հայ մարդու կերպար` ազնիվ ու աշխատասեր մարդու: «Ում ուզում եք հարցրեք` Միջին Արևելքի էմիրներից սկսած կամ շեյխերից սկսած մինչև ամերիկյան մեծ գործարարներ, բոլորն էլ հային «ազնիվ ու աշխատասեր» բնորոշումը կտան: Սա մեծ արժեք է գրավչության համար, մեր երկրի համար: Պետք է ամեն ինչ անենք, որ այդ կերպարն անսասան մնա, թույլ չտանք, որ այն խախտեն, քանի որ մեր «բարեկամները» կուզեն այդ կերպարը փչացնել»,-ասաց Սարգսյանը:

Անդրադառնալով բարեգործությանը`  նա հիշեցրեց, որ «Հայաստան» համահայկական հիմնադրամն այսօր հեռուստամարաթոն է անցկացնելու: