Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Մենք երկու անգամ ենք հստակ պատասխան ստացել Սերժ Սարգսյանի գրասենյակից պետության կողմից նրան տրամադրված տան հրաժարման վերաբերյալ: Այս մասին լրագրողների հետ զրույցում ասաց կառավարության աշխատակազմի ղեկավար Էդուարդ Աղաջանյանը։
Նրա խոսքով՝ երկու դեպքն էլ եղել են անվտանգության նկատառումներից ելնելով: «Օրենքը հստակ պոզիտիվ պարտականություն է ենթադրում պետության վրա, որ պաշտոնաթող նախագահին պետք է ապահովի բնակարանով։ Եթե նույնիսկ Սերժ Սարգսյանը հրաժարվում է բնակարանից, օրենքի կարգավորման խնդիր ունենք։ Այսինքն՝ թերևս միայն գրավոր պաշտոնական մերժման հիման վրա պետությունը կարող է համարել այդ պարտականությունն իրականացրած, հակառակ դեպքում՝ պետք է լուծում գտնել այս հարցին: Ստացվում է՝ մենք կա'մ որևէ բնակարան կամ առանձնատուն ենք գնում և տրամադրում նրանց, կա'մ պաշտոնական հրաժարում ենք ստանում, որի հիման վրա էլ պետությունն իր պարտականությունը համարում է կատարած»,- նշեց Աղաջանյանը։