Վանեցյանը պարզաբանեց աղմուկ հանած ձայնագրությունում «ռուսների հետ հազիվ եմ բարիշել» արտահայտությունը

ԱԱԾ տնօրեն Արթուր Վանեցյանի և ՀՔԾ պետ Սասուն Խաչատրյանի խոսակցության հայտնի ձայնագրությունում ԱԱԾ տնօրենը նշում է, թե պետք չէ ձերբակալել ՀԱՊԿ նախագահ Յուրի Խաչատուրովին: «Ռուսների հետ հազիվ ենք բարիշել, Խաչատուրովի խափանման միջոց ընտրեք ստորագրությամբ չհեռանալը»,- ասում է նա:

Լրագրողների հետ հանդիպման ժամանակ անդրադառնալով իր այս խոսքին` Վանեցյանը նշեց. «Ուրեմն` «ռուսների հետ հազիվ ենք բարիշել» խոսքը եղել է երկու մարդու միջև խոսակցություն, որը չի ենթադրում ինչ-որ բառերի` իրար հետևից շարում կամ գրական հայերեն խոսել: Այո, գաղտնիք չէ, որ թավշյա հեղափոխությունից հետո որոշ շրջանակներ սկսել էին տարածել, որ Հայաստանում իրավիճակ է փոխվել, նոր իշխանությունները փոխում են արտաքին քաղաքական վեկտորը: Այդ մտավախությունը կար մեր ռուս գործընկերների մոտ, որը հերքվել է»: