Չի կարող չլինել տնտեսական քաղաքականություն. Մինասյանը` Քոչարյանի հայտարարության մասին

Տնտեսական զարգացման և ներդրումների նախարար Արծվիկ Մինասյանն այսօր լրագրողների հետ զրույցում անդրադարձավ ՀՀ երկրորդ նախագահ Ռոբերտ Քոչարյանի այն հայտարարությանը, թե նոր կառավարությունը տնտեսական քաղաքականություն չունի:

«Տնտեսական քաղաքականություն, իհարկե, կա, այլ բան է, որ մենք խոսում ենք համակարգման և առավել ընդլայնման ու միասնականացման մասին, որի աշխատանքները ներկայումս իրականացվում են»,- ընդգծեց նախարարը:

Մինասյանի խոսքով` չի կարող առհասարակ չլինել տնտեսական քաղաքականություն:

Իսկ ինչ վերաբերում է տնտեսություն Ռոբերտ Քոչարյանի վերադարձի անհրաժեշտությանը, նա նշեց. «Գալ` նշանակում է իրականացնել քաղաքական գործունեություն և մասնակցել ընտրություններին: Ես` որպես Սահմանադրության կարևոր պաշտպան, համարում եմ, որ ցանկացած անձ իրավունք ունի զբաղվելու քաղաքականությամբ, քանի օրենքով սահմանված կարգով սահմանափակված չէ իր այդ իրավունքը»: