Արհմիությունները որոշակի անկախություն ձեռք կբերեն

Այսօր կառավարության նիստում աշխատանքի և սոցիալական հարցերի նախարար Մանե Թանդիլյանը ներկայացրեց «Արհեստակցական միությունների մասին» օրենքում փոփոխություններ կատարելու մասին» օրենքի նախագծի վերաբերյալ կառավարության առաջարկությունը:

ԱԺ մի խումբ պատգամավորների կողմից օրենսդրական նախաձեռնության կարգով ներկայացված նախագծով առաջարկվում է փոփոխել հետևյալ դրույթը` արհեստակցական ամիությունների մասին օրենքով սահմանված է, որ այդ միության մասնակիցները, անդամները կարող են լինել նաև տնտեսության համապատասխան ճյուղում տարբեր գործատուների հետ աշխատանքային պայմանագիր կնքած աշխատողներ: Դրույթն առաջարկվում է փոփոխել`  տարբեր ճյուղերում գործունեություն իրականացնող գործատուների մոտ աշխատողներին անկախ արհմիություն ստեղծելու և դրան անդամակցելու հնարավորություն տալով:

«Նախագծով առաջարկվող կարգավորմամբ` ստեղծվող անկախ արհմիությունը, ըստ հեղինակների, կախվածություն չի ունենում որևէ գործատուից և ֆինանսավորվում է բացառապես աշխատողների անդամավճարներից, ինչն ինքնուրույն գործելու ողջամիտ հեռանկար է ստեղծում։ Ըստ էության՝ նախագիծն ընդունելի է առ այն, որ որոշակիորեն հնարավորություն է տալիս արհմիություններին որոշակի անկախություն ընձեռելու»,- ասաց Մանե Թանդիլյանը։

 Որոշումն ընդունվեց։