«Երևան» հիմնադրամում ԱԱԾ գործողությունները ձևի առումով անհամաչափ էին. Շարմազանով

Այսօր ՀՀԿ ԳՄ նիստից հետո լրագրողները ՀՀԿ խոսնակ Էդուարդ Շարմազանովին հարցրեցին, թե ինչպես կմեկնաբանի քաղաքապետարանի ենթակայությամբ գործող «Երևան» հիմնադրամում ԱԱԾ գործողությունների մասին:

««Երևան»  հիմնադրամում ԱԱԾ ստուգումները, մենք դիտարկում ենք առնվազն ձևի առումով ոչ համաչափ: Մենք  մտահոգություն ենք հայտնում այդ գործողություններում հնարավոր քաղաքական շարժառիթների վերաբերյալ: Մենք որպես քաղաքական ուժ բացառապես օրինականության կողմնակիցն ենք: Մենք ուշի ուշով հետևելու ենք, բայց կոչ ենք անում, որ ամեն ինչ լինի օրինականության սահմաններում` հարգելով անմեղության կանխավարկածը»,- ասաց Շարմազանովը` հավելելով, որ չի կարծում, թե հիմա  37 թիվն է, որովհետև եթե ԱԱԾ-ն հարցաքննության հրավիրեր պաշտոնյաների, նրանք կգնային, կամ եթե ԱԱԾ-ն անհրաժեշտ փաստաթղթերը պահանջեր, նրանք կտրամադրեին: