Թուրքիայի միակ հայկական գյուղի կանայք կմասնակցեն խոհարարական դասընթացների

Թուրքիայի սահմանամերձ Հաթայ քաղաքում բացվել են խոհարարական դասընթացներ, որոնք ընթանալու են «Պատմությունից եկած համեր» խորագրով:

Ըստ Sabah-ի` նախաձեռնությունը մեկնարկել է երկրի զարգացման նախարարության աջակցությամբ:

Ընդհանուր առմամբ 550 ժամ տևող դասընթացներին Հաթայի Սամանդաղ շրջանում գտնվող միակ հայկական գյուղից`Վաքըֆլըից, մասնակցելու է 28 կին։ Հայ կանայք պատրաստելու են ավանդական տոլմա և մի շարք այլ ուտեստներ:

Հաթայում գտնվող հայկական ուղղափառ եկեղեցու հիմնադրամն իր աջակցությունն է հայտնել այս ծրագրին: Եկեղեցու հիմնադրամի նախագահ Ջեմ Չափարը հայտնել է, որ սույն նախագծի համար հայկական եկեղեցուն հատկացվել է մոտ 42.000 դոլարին համարժեք թուրքական լիրա: