Նեթանյահուն կոչ է արել աշխարհին` միանալ ԱՄՆ-ի` Իրանի հարցով քաղաքականությանը

Իսրայելի վարչապետ Բինյամին Նեթանյահուն «ճիշտ» է որակել երկուշաբթի հրապարակված` ԱՄՆ-ի քաղաքականությունն Իրանի նկատմամբ և կոչ արել աշխարհին աջակցել դրան. հայտնում է РИА Новости-ն:

Հայտարարությունը հնչել է ԱՄՆ պետքարտուղար Մայք Պոմպեոյի ծրագրային ելույթից հետո, որը 12 պահանջից բաղկացած ցուցակ է ներկայացրել Իրանին միջուկային գործարքից ԱՄՆ-ի դուրս գալուց հետո: Վաշինգտոնն այժմ փորձելու է հասնել Թեհրանի՝ մերձավորարևելյան տարածաշրջանում քաղաքականության փոփոխությանը:

«Նախագահ Թրամփի քաղաքականությունը ճիշտ է: Զրո հարստացում (ուրանի), դրա կարիքը չկա, և Իրանը պետք է հեռանա Սիրիայից»,- ասել է Նեթանյահուն:

 «Մենք կարծում ենք, որ դա ճիշտ քաղաքականություն է, և կոչ ենք անում ամբողջ միջազգային հանրությանը միանալ Միացյալ Նահանգների այդ դիրքորոշմանը»,- հավելել է Իսրայելի վարչապետը: