1992 թվականի այս օրը ԼՂՀ ինքնապաշտպանական ուժերի կողմից ազատագրվեց Բերձորը

Արցախյան ազատամարտի մասնակից, ՀՅԴ Հայաստանի ԳՄ ազատամարտիկների հանձնախմբի պատասխանատու Արտաշես Մխիթարյանը գրում է.

«1992թ. մայիսի 13-ին ՀՅԴ վաշտի անձնակազմը փոխգործակցեով Քարին Տակ գյուղի ջոկատի հետ, Զարիսլու գյուղի մատույցներում կասեցնում է թշնամու գերազանցող ուժերի հարձակումը, որը նպատակ ուներ զրահատեխնիկայի օգնությամբ կոտրել հայկական ինքնապաշտպանական ուժերի դիմադրությունը և սրընթաց գրոհով գրավել Շուշին, բայց հանդիպելով համառ դիմադրությանը և կրելով կենդանի ուժի ու տեխնիկայի մեծ կորուստներ հրաժարվում է իր մտադրությունից և նահանջում դեպի ելման դիրքեր:

Այնուհետև Ղարաբաղյան ուժերի հետ համատեղ վաշտը անցնում է հակահարձակման Լաչինի ուղղությամբ և մայիսի 17-ին ազատագրում 1991թ. գարնանը հայաթափված Բերդաձորի ենթաշրջանի հայկական գյուղերը£ Մայիսի 18-ին վաղ առավոտյան շարունակում է առաջխաղացումը Հին Շեն - Յուղոնիս - Ֆարաջան ուղղությամբ ու ազատագրում թշնամու կողմից կրակակետերի վերածած պատմական Քաշաթաղի գյուղերը և դուրս գալիս ՀՀ պետական սահման Կոռնիձորի մոտակայքում, ապահովելով հարձակվող ինքնապաշտպա-նական ուժերի ձախ թևը»: