ՀՀԿ-ն դեմ է քվեարկելու Նիկոլ Փաշինյանի թեկնածությանը

Այսօր ԱԺ հատուկ նիստում, ուր քննարկվում էր ՀՀ վարչապետի թեկնածության հարցը, խմբակցության անունից ելույթ ունեցավ ՀՀԿ խմբակցության ղեկավար Վահրամ Բաղդասարյանը: Նա նախ նշեց, որ ուլտիմատումների, շանտաժի միջոցով քաղաքական  որոշումներ չեն կայացվելու: Ներկայացնելով ՀՀԿ խմբակցության միասնական դիրքորոշումը, նա ասաց.

«Երեկ ՀՀԿ խմբակցությունը հանդիպել է  Նիկոլ Փաշինյանի հետ: Մենք նրան հարցեր ենք ուղղել, պարզել ենք նրա պատկերացումները ՀՀ զարգացման ու երկրի անվտանգության հարցերի վերաբերյալ, և ամբողջացրել ենք պատկերացումները նրա թեկնածության վերաբերյալ: Գիտակցելով այն կործանարար, ճակատագրական  հետևանքները, որոնք կարող են առաջանալ նրա վարչապետ լինելու դեպքում, ՀՀԿ-ն հայտարարում է, որ ընդունելով ժողովրդական շարժման հաղթանակը, համաձայն լինելով հնչող գնահատականների հետ, հանրային դժգոհության հետ, այնուամենայնիվ մենք դեմ ենք քվեարկելու Նիկոլ Փաշինյանի թեկնածությանը»,- ասաց նա: