ԱՄՆ-ում ուժի մեջ են թողել Էրդողանի թիկնապահների նկատմամբ առաջադրված մեղադրանքները

ԱՄՆ իրավապահներն ուժի մեջ են թողել անցած տարի Թուրքիայի նախագահ Ռեջեփ Թայիփ Էրդողանի` ԱՄՆ այցի ընթացքում  նրա անվտանգության ծառայության չորս աշխատակիցների դեմ առաջադրված մեղադրանքները. հայտնում է РИА Новости-ն`Կոլումբիայի դաշնային դատախազության ներկայացուցչին հղումով:

Ավելի վաղ The Wall Street Journal-ը հայտնել էր, թե ԱՄՆ  դատախազությունը չեղարկել է Էրդողանի թիկնազորի 11 անդամին ներկայացված մեղադրանքները:

Հիշեցնենք, որ 2017-ի հունիսին Վաշինգտոնի ոստիկանությունը Էրդողանի թիկնազորի անդամներին ձերբակալելու թույլտվություն էր տվել: 2017-ի մայիսին Թուրքիայի նախագահ Էրդողանի` ԱՄՆ այցի ընթացքում նրա թիկնապահներն ու կողմնակիցները հարձակվել էին նրա այցի դեմ բողոքող խաղաղ ցուցարարների՝ հայերի, հույների, քրդերի և եզդիների վրա, ինչի հետևանքով 9 մարդ էր վիրավորվել: Հետագայում Հայ Դատի հանձնախումբը նաև տեսանյութ էր հրապարակել, որում երևում էր, թե ինչպես է Էրդողանն անձամբ հրահանգում հարձակվել խաղաղ ցուցարարների վրա: