Դատական հայց է ներկայացվել «Ամենալավ թուրքը մեռած թուրքն է» արտահայտությունը հնչեցրած հույն գործչի դեմ

Հունաստանում թուրքական «Բարեկամություն, հավասարություն, խաղաղություն» կուսակցության նախագահ Մուսթաֆա Ալիչավուշը դատական հայց է ներկայացրել Հունաստանի նախկին արտգործնախարարի դեմ։ 

Ըստ Haberturk-ի՝ պատճառը եղել են նրա կողմից հնչեցված խոսքերը, թե` «ամենալավ թուրքը մեռած թուրքն է։ Ես լավ թուրքի չեմ հանդիպել: Ինչքան էլ բարի կամք դրսևորենք, միևնույն է, թշնամին անխիղճ է, պետք է նրա հախից գալ»։

Թուրք կուսակցականն այս խոսքերը որակել է «ռասիստական և ֆաշիստական»։

Հիշեցնենք, որ Թեոդորոս Պանգալոսը  «Skai» ռադիոկայանի եթերում Թուրքիայի հետ ունեցած սահմանային խնդիրների մասին խոսելիս օգտագործել է Կիպրոսում տարածված «Ամենալավ թուրքը մեռած թուրքն է» արտահայտությունը: