Քարդաշյանների դեմ դատական հայց է ներկայացվել

Ամերիկյան Agency for the Performing Arts (APA) գործակալությունը դատական հայց է ներկայացրել Քարդաշյան և Ջեներ քույրերի դեմ:

Ըստ Mirror-ի՝ գործակալությունը հայտնի քույրերին մեղադրել է շահույթի մի մասը չվճարելու մեջ: Գործակալության պնդմամբ՝ 2009 թվականին բանավոր համաձայնություն է ձեռք բերվել, ըստ որի՝ քույրերը պարտավորվել են գործակալությանը փոխանցել իրենց եկամտի 15 տոկոսը, ինչի դիմաց գործակալությունը պետք է նրանց օգներ նոր պայմանագրեր կնքել, սակայն միլիոնավոր դոլարներ վաստակած քույրերը  2015 թվականի մարտից ի վեր չեն կատարում իրենց ստանձնած պարտավորությունները:

Քարդաշյանի փաստաբան Թոդ Ուիլսոնը իր հերթին մեղադրել է գործակալությանը: Նրա խոսքով՝ գործակալությունը չի կատարել բանավոր համաձայնության պայմանները: