Ադրբեջանը «բացահայտել» է հայերի նոր «դիվերսիոն» զենքը` ՈՒԱԶ-իկը. Տիգրան Բալայան

Այսօր ԱԳՆ խոսնակ Տիգրան Բալայանը իր թվիթերյան էջում գրառում է կատարել, որով Ադրբեջանի ԱԳՆ հայտարարությունը համարում է ԵԱՀԿ ՄԽ համանախագահների հայտարարությունից ուշադրությունը շեղելու միջոց:

«Փորձելով շեղել ուշադրությունը ԵԱՀԿ ՄԽ համանախագահների վերջին հայտարարությունից, Ադրբեջանի ԱԳՆ քարոզիչները բացահայտել են հայերի նոր գաղտնի դիվերսիոն զենքը` անսարք ՈՒԱԶ-իկը: Այդ զենքը արագ կերպով վնասազերծվել է: Բուռն ծափահարություններ»-գրել է Տիգրան Բալայանը:

Ավելի վաղ, ադրբեջանական լրատվամիջոցները լուրեր են շրջանառել, իբրև թե կանխել են հայկական կողմի դիվերսիոն փորձը: Լուրերին զուգահեռ` նաև տեսանյութ էր տարածվում, որը, ըստ ադրբեջանցիների տրամաբանության, «հաստատում» է դիվերսիոն փորձի մանրամասները: Սակայն տեսանյութն ավելի շատ ժպիտ կարող է առաջացնել ադրբեջանական տրամաբանության կառուցողականության շուրջ: