Վիտալինան պատրաստ է հաշտվել Ջիգարխանյանի հետ

Հայ հայտնի դերասան Արմեն Ջիգարխանյանի նախկին կինը` Վիտալինա Ցիմբալյուկ-Ռոմանովսկայան, life.ru-ի հետ զրույցում հայտարարել է, որ պատրաստ է հաշտվել նախկին ամուսնու հետ և հոգ տանել նրա մասին:

Հիշեցնենք , որ օրերս Ջիգարխանյանը հիվանդանոցում էր թոքաբորբով, ինչի ֆոնին սրտի նոպա էր ունեցել: Վիտալինան նշել է, որ, 2009-ից սկսած, խնամել է դերսասանին և լավ գիտի` ինչպես վարվել նման իրավիճակում, սակայն իրեն ոչ ոք չի զանգել, խորհուրդ չի հարցրել:

«Ո՞ւր են նրա ընկերները, որոնք իբր միշտ աջակցում են նրան»,- ասել է նա, նաև զարմանք է հայտնել, թե ինչու Ջիգարխանյանի համար չեն վարձում նրան խնամող մեկին, մանավանդ, որ դրա համար կան բավարար միջոցներ: