Ռուսաստանում ավելի շատ «Ռիո»-ներ կկառուցվեն

Ռուսական INFOLine տեղեկատվա-խորհրդատվական գործակալությւոնը հրապարակել է «ՌԴ խոշորագույն հիպերմարկետները և առևտրի կենտրոնները. 2018-2021 թվականների նախագծերը» հետազոտությունը, համաձայն որի` առաջիկա 4 տարիների ընթացքում Ռուսաստանում սպասվում է առևտրային շինարարության ծավալների ավելացում. հայտնում է Русарминфо-ն:

Հետազոտության համաձայն` հայ գործարար Սամվել Կարապետյանին պատկանող «Տաշիր» ընկերությունների խումբն ընդգրկվել է ՌԴ-ում առևտրի և ժամանցի կենտրոնների կառուցման ու զարգացման խոշորագույն ներդրողների եռյակում:

«Տաշիր» ընկերությունների խումբը շարունակում է զարգացնել «Ռիո» առևտրի և ժամանցի կենտրոնների ցանցը, ներդրումներն առաջիկա երկու տարիներին կկազմեն 20 միլիարդ ռուբլի: