Աշխատանքի պահին ջուր խմելու իրավունք չունենալու պատճառով ՍԱՍ-ի աշխատակիցներից մեկի ինքնազգացողությունը վատացել է․ YN.am

YN.am-ի (Երևան Նյուզ լրատվական) աղբյուրների համաձայն ՍԱՍ սուպերմարկետը վերջերս գիշերային հերթափոխի աշխատողների նկատմամբ հերթական անմարդկային քայլին է դիմել, որը անթույլատրելի է իրավական և բարոյական տեսանկյունից:

Մինչ ամբողջ աշխարհում ընդունված է, որ գիշերային հերթափոխի աշխատողները պետք է ժամային առումով և վարձատրման չափով առավելություն ունենան ցերեկային աշխատողների նկատմամբ, ՍԱՍ-ում այդ ամենը կոպտորեն ոտնահարվում է: Պարզվում է, որ մինչ նախկինում սուպերմարկետի գիշերային հերթափոխի աշխատողները աշխատանքը սկսում էին գիշերվա ժամը 1:00-ին և ավարտում առավոտյան 9:00-ին, իսկ աշխատանքի վայր էլ հասնում էին սուպերմարկետի կողմից տրամադրվող տաքսիներով, ապա այսուհետ աշխատանքային ժամը սկսվելու է երեկոյան 10:30-ին և ավարտվելու է առավոտյան 8:30-ին, իսկ աշխատողները աշխատանքի վայր կհասնեն իրենց միջոցներով: Ընդ որում՝ գիշերային աշխատողների աշխատաժամի ավելացման հաշվին նվազել է ցերեկային հերթափոխի աշխատողների աշխատաժամը, իսկ վարձատրությունը երկու հերթափոխներում էլ մնացել է նույնը: