Բելառուսը հնարավոր է շուտով սկսի ոչ մահաբեր զենք վաճառել Հայաստանին. Ալեսին

Բելառուսը հնարավոր է շուտով սկսի ոչ մահաբեր զենք վաճառել Հայաստանին: Այդ մասին ասել է բելառուս ռազմական վերլուծաբան Ալեքսանդր Ալեսինը՝ Комсомольская правда Беларусь-ին տված հարցազրույցում:

Նա նաև հավելել է, որ Ադրբեջանը Բելառուսից զենքի խոշոր գնորդներից մեկն է, ում իրենք վաճառում են ՀՕՊ համակարգեր, ադրբեջանցիների համար նաև արդիականացվում են Սու-27 և Սու-25 կործանիչները:

Խոշոր գնորդներից մեկն է նաև Ղազախստանը:

«Մենք ցանկանում էինք վաճառել «Պոլոնեզներ» Ադրբեջանին: Բայց դրան դեմ էր Հայաստանը՝ ՀԱՊԿ-ում մեր գործընկերը: Գործարքը չի կայացել: հավանաբար, «Պոլոնեզներ»-ի առաջին գնորդը կդառնա Ղազախստանը»,- հայտարարել է Ալեսինը: