Մանսուրյանի «Ռեքվիեմը»՝ Դասական երաժշտության միջազգային մրցույթի գլխավոր մրցանակակիր

Տիգրան Մանսուրյանի` Ցեղասպանության զոհերին նվիրված «Ռեքվիեմ» ստեղծագործությունն արժանացել է Դասական երաժշտության միջազգային մրցույթի գլխավոր մրցանակին՝ «Ժամանակակից դասական երաժշտություն» անվանակարգում: Այս մասին տեղեկանում ենք մրցանակաբաշխության կայքէջից:

Մրցույթը տեղի է ունեցել Լյուքսեմբուրգում:

Հիշեցնենք, որ Մանսուրյանի «Ռեքվիեմ» ստեղծագործությունը ներկայացված է «Գրեմմի»-ի երկու անվանակարգերում՝ «Լավագույն երգչախմբային ներկայացում» և «Լավագույն ժամանակակից դասական ստեղծագործություն»: 

Yerkir.am-ի հետ զրույցում մաեստրոն, խոսելով «Գրեմիի»-ում իր՝ առաջադրված լինելու մասին, ասել էր. «Եթե ես հաղթեմ հիմա, գիտեմ, որ մեր նոր սերնդին «ծանր կացության» մեջ եմ դնելու, քանի որ նրանք պետք է աշխատեն, որ իրենք էլ հասնեն դրան, որովհետև դա արդեն նվաճված է, պետք է չափվեն այդ բարձր ձեռքբերումով»:

«Գրեմմի» 60-րդ հոբելյանական մրցանակաբաշխությանը տեղի կունենա հունվարի 28-ին: