Ռուսաստանցիները գումար չունեն սննդի ու հագուստի համար. հարցում

ՌԴ-ում աճում է աղքատության մակարդակը: Այդ մասին են վկայում Տնտեսության բարձրագույն դպրոցի կողմից անցկացված հարցման տվյալները. հայտնում է Росбалт.ру-ն:

Այսպես` սեպտեմբերին ռուսաստանցի ընտանիքների 23 տոկոսը գնահատել է իր նյութական վիճակը որպես վատ, ինչը 3 տոկոսով ավելի է, քան մայիսին: 17 տոկոսի փոխարեն այժմ բնակիչների 15 տոկոսն է իր նյութական վիճակը «լավ» գնահատում: Հարցվածների 29 տոկոսը, այսինքն` ամեն երրորդ ընտանիք, հայտարարել է, որ կարող է իրեն թույլ տալ գնել միայն սնունդ, իսկ հագուստի համար գումարը չի բավականացնում: Հարցվածների 8 տոկոսը հայտնել է, որ գումար չի բավականացնում անգամ սնունդ գնելու համար: Ամենածանր վիճակում են գյուղի բնակիչները. այստեղ հարցվածների 44 տոկոսը նշել է, որ գումար չունի սննդի համար: