Հովիկ Աբրահամյանը պատասխանել է Նիկոլ Փաշինյանին

Այսօր ԱԺ ԵԼՔ խմբակցության պատգամավոր Նիկոլ Փաշինյանը անդրադարձել էր կոռուպցիայի թեմային, առաջարկելով նախկին վարչապետ Հովիկ Աբրահամյանին զբոսավար նշանակել «Հաղթանակ» զբոսայգու տարածքում , որտեղ նա բնակվում է:

 «Ասում են չէ՞, որ Հայաստանը թանգարան է բաց երկնքի տակ: Հիմա «Հաղթանակ» զբոսայգին և նրա հարակից տարածքները կոռուպցիայի թանգարան են բաց երկնքի տակ: Մենք կարող ենք լինել առաջին պետությունը, որ պաշտոնապես կոռուպցիայի թանգարան ունենք բաց երկնքի տակ: Հաշվի առնելով, որ Հովիկ Աբրահամյանը զբաղվածության խնդիր ունի կարող ենք այդտեղ գիդ նշանակել»,- ասել էր Նիկոլ Փաշինյանը:

Պատգամավորի այս հայտարարությանը յուրատեսակ մոտեցմամբ է արձագանքել է Հովիկ Աբրահամյանը, իր ֆեյսբուքան էջում տեղադրելով Պարույր Սևակի քառատողերից մեկը:

«Որտեղ մի պատառ չաղ ու յուղալի՝
Կանգնած է այնտեղ նա երկյուղալի.
Հեշտ զրպարտում է՝ երբ տեղն է գալիս,
Նույն հեշտությամբ էլ իր մեղքն է լալիս…»