կարևոր
3106 դիտում, 1 տարի առաջ - 2023-03-23 21:58
Քաղաքական

Ադրբեջանից շատ կտրուկ ու ցինիկաբար են պատասխանել ՀՀ վարչապետ Նիկոլ Փաշինյանին ու նշել իր պատկերացմամբ «խաղաղության» հաստատման գինը

Ադրբեջանից շատ կտրուկ ու ցինիկաբար են պատասխանել ՀՀ վարչապետ Նիկոլ Փաշինյանին ու նշել իր պատկերացմամբ «խաղաղության» հաստատման գինը

Ադրբեջանից շատ կտրուկ ու ցինիկաբար են պատասխանել ՀՀ վարչապետ Նիկոլ Փաշինյանի՝ ՀՀ կառավարության այսօրվա նիստում հնչեցրած հայտարարություններին։

Ադրբեջանին, մասնավորապես, նյարդայնացրել է այդ երկրում ազգային փոքրամասնությունների նկատմամբ իրականացվող հետապնդումների մասին Նիկոլ Փաշինյանի հայտարարությունները։

«Ադրբեջանում ոչ միայն մամուլի, ոչ միայն ընդդիմության, այլև ազգային փոքրամասնությունների ներկայացուցիչների նկատմամբ հետապնդումները կրում են համակարգային բնույթ:

Ադրբեջանում ազգային փոքրամասնությունների շահերը պաշտպանող լիդերների սպանությունների, բանտարկությունների մասին պատմող նյութերով հեղեղված է միջազգային մամուլը: Ընդ որում, շատ դեպքերի մասին պատմում են ականատեսները՝ խոշտանգումների, հետապնդումների ենթարկված ակտիվիստները կամ սպանված ակտիվիստների ընտանիքների անդամները»,- կառավարության նիստում հայտարարել է Նիկոլ Փաշինյանը։

Ադրբեջանի արտգործնախարարի մամուլի քարտուղարը Փաշինյանի կողմից իրականության արձանագրումը որպես խարդախություն է գնահատել ու դեռ Հայաստանին մեղադրել ագրեսիվ հռետորաբանության մեջ, թեեւ այդ երկրի ղեկավարությունն է ամեն օր տարածքային պահանջներ ներկայացնում Հայաստանին ու սպառնում։

Ավելին՝ Ադրբեջանի արտգործնախարարի խոսնակը հանդգնել է հայտարարել, թե, իբր, Հայաստանն է խանգարում Արցախի հանրապետության «ինտեգրմանը» Ադրբեջանին։

«Եթե հայկական կողմը շահագրգռված է տարածաշրջանում խաղաղությամբ, ապա պետք է դադարեցնի միջամտությունը Ադրբեջանի կենտրոնական իշխանությունների՝ հայ բնակիչների հետ շփումներին՝ վերաինտեգրման նպատակով», - նշել է Ադրբեջանի ԱԳՆ ներկայացուցիչը։